Қазақстан Республикасы Премьер-Министрінің орынбасарының қазақстандық IT-компаниялармен кездесуі

16 мамырда Қазақстан Республикасы Премьер-Министрінің орынбасары Асқар Жұмағалиевтің қазақстандық IT-компаниялармен кездесуі өтті, оған Documentolog Kz компаниясының Бас директоры  Documentolog Kz Байжан Қанафин қатысты. 

Кездесу барысында "Зерде" Ұлттық холдингінің басқарма төрағасы Руслан Енсебаев мемлекеттік органдармен өткізілген цифрландыру күндері, Yellow Pages Rule жобасы, Open API технологиялары және венчурлық қаржыландыру туралы айтып берді. 

IT компанияларының өкілдері квазимемлекеттік сектор тарапынан IT қызметтер мен функциялардың қайталануы мәселесін көтерді. Бүгінгі таңда "Зерде" холдингі ақпараттық жүйелерді құру және дамытуға қатысты нормативтік құқықтық актілерді өзгерту арқылы осындай функцияларды жою бойынша жұмыс жүргізуде. 

Сондай-ақ, кездесу барысында ағымдағы жылдың мамыр айының соңына дейін мемлекеттік органдарда бұлтты электрондық құжат айналымына көшу үшін жобалау тапсырмасы жарияланатыны хабарланды. Documentolog компаниясы, Қазақстандағы бизнес-процестерді автоматтандыру нарығының көшбасшысы ретінде, осы жобаға қатысуды жоспарлап отыр.